ازياء للجامعة #العودة للدراسة

السلام عليكم ورحمة الله 

بمناسبة العودة للدراسة حبيت اكتب شي بالمدونة 

عن الازياء بس قبل بقول ان الاذواق تختلف وكل بنت لها 

ستايل خاص بها ولمسة ويختلف الجسم والطول وكل 

هالكلام بس حبيت يكون هالموضوع مثل خلفية لبنات الجامعة 

خاصة اللي اول سنة لهم ...

اول شئ التنورة شي اساسي 

لون التنورة السائد والمتعارف عليه الاسود 

وفي بعض الجامعات ما ترضى بلون غيره بالنسبة لجامعتي 

مسموح لنا نلبس غير الاسود عن نفسي اذا حبيت اغير 

البس رصاصي ...

انواع التنانير 

في طويلة مثل اللي بالصورة 

في ميدي يعني تجي شوي قصيره تقريبا 

تبين بداية الساق ..

في سكيني تجي ماسكة ع الجسم 

في بكسرات تجي واسعة وبكسرات 

البرنامج اللي استخدمة مالقيت فيه انواع كثيره تلبق 

للجامعة بس هاذي صورة من الانترنت للتنورة الكسرات 

عن نفسي احب التنورة الطويلة والميدي 

واذا حبيت اغير لبست الرصاصي الغامقه 

عموما انا لبقت شوي ازياء اللي حسيت انها تلبق 

لبنات الجامعة لان مافي اشياء كثيره متاحة فالبرنامج 

مثل ماهو واضح بالصورة التي شيرت قصير فتحته بودي ازرق 

لان فالجامعة ممنوع تلبسين تي شيرت قصير لحاله 

او تي شيرت شفاف ومافي تحته شي ...

والشنطة عندي مثلها بس بدون الكتابه  جبتها من ترانوفا وقيد 

طلعت بفديو مشترياتي هنا

هنا حبيت البق شي ع تنورة رصاصي مع الاسف مالقيت 

فالبرنامج تنورة رصاصي طويلة او عادية بس اهم شي المضمون 

تقريبا نفس فكرة الصورة اللي قبل بس لاني احب التيشرتات القصيرة 

لان تقدرين تدخلين الوان معاها .. 

بالنسبة للأكسسوارات مو شرط نفس اللي بالصورة 

توي استوعب اني معلقة ع الازرق ودرجاته 

بس لاني احب هاللون :) 

كلة ازرق ان شاء الله المرة الجاية بغير فالألوان 

هنا التي شيرت جدا عادي ...

احيانا اذا مالي خلق او قايمة متأخر البس اي تي شيرت وتنورة 

واروح للجامعة .. :)

بس هاذي الازياء اللي امداني البقها ع بعض ان شاء الله 

بسوي زيادة ..

فديو روتيني الصباحي ..

ان شاء الله راح انزل فديوهات ع قناتي بخصوص الرجوع 

للدراسة اشتركي بقناتي عشان يوصلك ايميل بكل جديد 

اتمنى الموضوع فادكم وعطاكم فكرة ..

 اسم البرنامج اللي لبقت فيه الازياء راح احطة بالانستقرام :)