كوني أقوى . 3>

                                                                   بسم الله الرحمن الرحيم

  

 اليوم ماراح اكتب عن ميك اب او اي شي يتعلق بالاهتمام بالجمال راح أحكي عن موقف تعرضت لة صديقتي قريب مره لموقف  

 انا كمان تعرضت لة بس ردت فعلها غير عن ردت فعلي وأكيد هي سمحت لي أني أحكي .. وأتمنى كلامي يكون فية شوي دعم 

 مني لها .

 كبشر دايم أحنا نتعرض للفراق يعني نفارق أب , أم , أخت , أخو , صديقة , حبيب ... الخ  و على حسب الفراق ممكن يكون موت

 وهاذا شئ لابد منة وممكن فالدنيا .

 بالنسبة للموت كثير يوجع هالفراق وأدري صعب لكن ضروري أنك ما تستسلمي أو تتحطمي أو توقفي مكانك لأن عمرك لسا ماخلص ادري صعب خاصة لما يكون أم , اب , اخت , اخ وأنا واجهت هالشئ وفارقنا أبوي الله يرحمة و وقت فراقة كان اصعب 

 كنت بصف ثالث ثانوي ترم أول وكان يوم الأربعاء والسبت عندي أختبار نهائي وانا من النوع اللي ما احب ابكي قدام الناس 

 لكن وقتها انصدمت وبكيت يوم الاربعاء وماقدرت ادرس شي وكمان يوم الخميس رحنا دفناه وصلينا علية وسلمت علية وهو 

 ميت مرة يوجع الموقف لكن كلنا بنموت وخلاص معد بقى وقت ع اختبار ورفضت اقدم اعتذار وأجل الاختبار ويوم الجمعة قمت 

 وضغطت ع نفسي حاولت ادرس ورحت من بكرة اختبرت ومحد لاحظ من المدرسات أن فيني شي حتى صديقاتي كانو منصدمين 

 مني بس ما أحب استضعف نفسي مافي مصيبة او موقف يصير الا وهو مقدر ومكتوب وأمي ربي يخليها لي اتصلت ع المدرسات 

وقالت لهم وجو عندي منصدمين انو صدق يعني ليه ماقلتي يانوف ؟؟ وانا ارد واقول الله يبي كذا صح بيني وبين نفسي بكيت ومازلت ابكي لانه ابوي بس ما احب اضعف او استسلم لانة لو هو موجود كان بيكون احرص الناس ع دراستي لانة كان مهتم 

 فدراستي انا من بين خواتي ما أقول اني شاطرة بس عندي طموح وأهداف احاول اوصلها وكملت عادي وربي يرحمة ويغفر لة 
وتراني مرة كنت متعلقة بأبوي وأحبة .

عمرك ماشي ماشي لا تكسري نفسك بنفسك مهما صار .. تمسكي بطموحك وحلمك لأن مقدر الاقدار قادر ع كل شئ 

بالنسبة للفراق العادي .. بقول شئ لصاحبتي ولأي بنت الناس فالدنيا مثل الفستان تروحي وتفصلي وتختاري فستان ممكن يناسبك

 يلبق عليك ويطلعك أنيقة .. وممكن مايناسبك ولا يلبق عليك ويطلعك أقل من العادية ولا ترتاحي بلبسة وأكيد اللي يناسبك راح تحافظي علية واللي ما ناسبك راح ترمينة .. كذا الناس خاصة اللي يكونو قريبين منك يمكن قربهم يضرك او ينفعك , يمكن قربهم 

 يقلل من قيمتك ويمكن يعزز من قيمتك .. كبنات عادة نركض ورا مشاعرنا وانا اولكم وننسى العقل أيش يقول ولا نفكر باللي يناسبنا وباللي ما يناسبنا سواء صديقة او زوج او اي علاقة بالدنيا .. لازم يكون شئ موازي لك يعني نفس مستواك العلمي , المادي , الأجتماعي , الفكري

 . كبنت لا ترضي بواحد أقل منك ماديا لأنك ابدا ما بترتاحي أما اذا هو مرتاح ماديا فعادي , كبنت لا ترضي بواحد أقل منك فالعلم اقصد الشهادة لأنه/لأنها راح يحاولو يكسرو مجاديفك ونفس الشي مع باقي الاشياء اللي ذكرتها .

وبكل بساطة ممكن تختاري خطأ لأنك ما قارنتي هالمقارنات صدق يمكن تشوفينها سخيفة مثل ماكنت انا اشوفها بس الواحد ما يتعلم الا لما يغلط يمكن لأنك واثقة بنفسك ماتفرق معك بس صديقيني ماتدري ايش بقلب اللي قدامك .

 المهم لا تندمي وقت الفراق لا تضعفي لا تستسلمي ولا توقفي مكانك ادري صاحبتك او اي كان الشخص اللي فارقتية بينكم ذكريات بس مو معناتها ان الدنيا وقفت لان كل دقيقة تمر فهي محسوبة عليك ابدا ابدا لا تناظري وراك فكري فبكرة وكوني قوية 

ولا تبني طموحك وأحلامك اعتمادا ع احد لانك بكل بساطة ماراح تكوني ضامنة وجود هالاحد معك لاخر عمرك او لا 

 حتى وان وعدتك او وعدك الكلام اسهل بكثير من الفعل ومو اي شئ ينقال تصدقينة فكري دايم لنفسك بنفسك 

عشان ما تتحطمين او تنكسرين او تضعفين كوني أقوى من كذا ولأنك بنت هاذا مو معناته أنك ضعيقة ابدا لا تستسلمي 

مهما كان الوجع والضيقة اللي بداخلك انسية وتناسية وامشي بحياتك ولا تخلي للندم باب لانة راح يخليك مترددة بأي قرار 

 تاخذينة مستقبلا خذية درس لك عشان تتعلمي . 

ماتوقف الدنيا ع الأشخاص .. أنتي بالنهايا راح تكوني بقبرك لحالك محد معك .. تقدمي بدنيتك ولا تنسي تعملي لأخرتك لأن 

 الدنيا فانية والاخرة باقية .. كوني أقوى كوني قنوعة بالقضاء والقدر .. وان بديتي تدمعي توضي وصلي ركعتين بعدها 

 بترتاحي صدقيني .. كل شي نواجه بالدنيا مايفوق قدراتنا ع التحمل .. بعد كل عسر يسر .. أكيد اليوم صعب عليك بس بكرة 

 بيكون أحلى .. تفائلي .. ابتسمي .. وكوني أقوى .. لا ترجعي للخلف لأنك قادرة تتقدمي .. لا تتنازلي عن طموحك وأحلامك مهما 

 كانت الظروف أنتي اكيد أقوى .

 كلامي كلة رفع معنويات لأي بنت صارلها هالموقف ولك صديقتي ولنفسي كمان شكرا ع وقتكم 

لاتنسو تتابعو قناتي