السلام عليكم ورحمة الله
حبيت اغير من اليوتيوب وبما ان وقتي جدا ضيق هالاسبوعين قلت بنزل لكم فالبلوج
ايام ماكنت بالمتوسط كنت مرره أعاني من عدم توحد لون وجهي لان وقتها باقي ماطحت بالتان
المهم جبهتي كانت اغمق من لون وجهي بسبب الحبوب وكنت اشيل الحبوب (وهاذا شئ كثير غلط )
ولما رحت مصر كلمت الصيدلي ونصحني بكريم وهو اللي راح احكي عنه الحين
اسم المنتج : eva B-white
المكان : واخيرا صار موجود فالسوبر ماركت والصيدليات
لي 3 سنوات ادورة
هاذا يستخدم في النهار وفيه حماية من الشمس يعني مابيأثر لو
تعرضتي للشمس اول كان يجي مع كل علبة مقياس يوضح لون وجهك الحالي
وبعد الاستخدام لين ايش وصل لكن مع الاسف اللي شريته ماكان يحتوي على المقياس
طريقة استخدامه : غسلي وجهك بالغسول اللي تستخدمينه ونظفي وجهك كويس من اثار المكياج
بعد كذا حطي الكريم على وجهك ورقبتك والحلو فيه انك تقدري تحطي فوقه المكياج تبعك ماراح يأثر
اما هاذا فيستخدم بالليل ميزته انه عادي تستخدمينه ككريم اساس يعني
مايبطل مفعول الكريم لو حطيتي فوقة مستحضرات تجميل
طريقة استخدامه : نظفي وجهك وحطيه عندك طلعه خفيفه او من عوايدك تتزيني
بالبيت حطي مكياجك لكن بالنسبة لي ابدا ما افضل انك تحطي المكياج فوقة لانك قبل لا تنامي راح
تمسحي المكياج فاحب استخدمه قبل النوم
لو داومتي عليهم راح تلاقي نتيجه مرضيه انا استخدمته لين ما خلص المستحضر اللي
فالعلبتين
ملاحظاتي : وحد لي لون وجهي ورقبتي ( بس لعبة فلوني بالتان ههههههه)
من اول اسبوع لاحظت الفرق وبعد ما خلص العبلة بقى لوني متوحد في بعض المستحضرات لو خلتيها
يرجع لونك مثل قبل واغمق هاذا الكريم ابدا ماشفت منه اي ضرر وكل شئ يختلف من بنت لبنت لو استخدمتي
المنتج بليز قولي تجربتك وبكذا يكون وصلت لنهاية كلامي اتمنى ان الموضوع عجبكم وفادكم
see you soon ,bye
هناك تعليق واحد:
اخت نوف حبيت اسالك المنتج موجود في صيدليه النهدي
إرسال تعليق